Në bashkëpunim me ekspertë nga Korea e Jugut, KQZ ka nisur një studim, si mund të përdoret teknologjia në zgjedhje.
Kreu i Komisionit Qendror të Zgjedhjeve, Denar Biba tha se teknologjia në zgjedhje është e mundur: “Praktikat botërore janë aty dhe janë realizuar”.
Por shtoi: “Projekte të tilla kërkojnë kohë dhe pilotim paraprak përpara se të realizohen në shkallë të gjerë. Kur them kohë, e kam fjalën nga 20 muaj deri në dy vjet”.
Madje sipas tij koha deri në zgjedhjet e qershorit është e pamjaftueshme edhe për zbatimin e projekteve-pilot.
“Unë nuk njoh ndonjë vend që ta ketë bërë në 5 muaj implementimin e teknologjisë në zgjedhjet e vendit të vet”, tha Biba.
