Zbardhet dëshmia e dhënë para togave të zeza e ish-mësueses, Emine Alushi, e cila u la sot në “arrest shtëpie” nga Gjykata e Shkodrës, pas publikimit të videos ku Alushi bënte propogandë për ISIS-in.
Nga burime pranë Alushit, mësohet se ish-mësuesja e mbuluar, ka thënë në sallën e gjyqit se “në kohën që propogandonte për ISIS (në vitin 2015 kur është regjistruar edhe videoja) e njihte si organizatë politike të mirë, me shpresën se ajo do ishte një lëvizje politike që do mbrojë popullin e Sirisë nga regjimi i egër i presidentit Assad”.
Sakaq e pyetur nga gjyqtari Sokol Shehu se çfarë mendimi ka aktualisht për ISIS, Alushi ka thënë se ISIS është kthyer në një organizatë kriminale, që ka vrarë njerëz të pafajshëm.
Ndërkohë mësohet se në gjyq nuk janë paraqitur prova të tjera përveç videos disa sekondshe, ku Alushi lavdëronte Bin Ladenin dhe ISIS-in, teksa jepte mësim në Medresenë e Shkodrës.
