Një drejtues mjeti i janë vënë prangat pasi i ka ofruar ryshfet punonjësit të policisë rrugore për të shmangur gjobën.
E gjithë situata është filmuar nga policja.
Ngjarja ka ndodhur në rrugën “Teodor Keko” ku shërbimet e Komisariatit Rajonal të Policisë Rrugore, arrestuan në flagrancë shtetasin me inicialet E. R., 33 vjeç, banues Tiranë.
Ky shtetas është konstatuar duke drejtuar automjetin e tij tip Mercedes Benz”, duke komunikuar në aparat telefonik dhe pa vendosur rripin e sigurimit, si dhe nga verifikimi ka rezultuar debitor me 7 masa administrative të pa shlyera.
Gjithashtu ka rezultuar pa dokumentacionin përkatës. Ky shtetas ka tentuar ti japë 3000 të reja, për t’ju shmangur masës administrative për shkeljet e konstatuara. Materialet i’u kaluan Prokurorisë pranë Gjykatës së Shkallës së Parë Tiranë për veprën penale “Korrupsion aktiv ndaj personave që ushtrojnë funksione publike” parashikuar nga Neni 244 i Kodit Penal.
Shoferi e peson keq nga policja bjonde by PanoramaVideo
