Deputetë të majtë dhe të djathtë janë bërë bashkë për të ndjekur nga afër ceremoninë e betimit të presidentit më të ri të SHBA-ve, Donald Trump.
Siç duket edhe në këto foto, kreu i PD-së Lulzim Basha, ai i PR-së, Fatmir Mediu apo dhe deputetë e ministra të majtë si Blendi Klosi, Ervin Bushati e Eduard Ndocaj si dhe ata të LSI me Ilir Metën e Petrit Vasilin janë mbledhur bashkë për të ndjekur nga afër ceremoninë.
“Një ceremoni e jashtezakonshme e shoqëruar me nje fjalim te thjeshte dhe historik te Presidnetit Trump. Falenderime miqeve Kongresmen qe na mundesuan pjesmarjen. Senatorit Roy Blunt, Senatorit Jim Inhofe dhe Kongresmenit Aderholt”, shkruan në Facebook kryetari i PR Fatmir Mediu.
Por këto foto duket se po i bëjnë zili kryeministrit Rama i cili për shkak të gafave dhe deklaratave të Trump ai nuk ka asnjë ftesë nga Shtëpia e Bardhë për pjesëmarrje në ceremoni.
“INAGURIMI I DEMOKRACISË! Nder dhe Privilegj, sot i ftuar bashkë me ministrin Klosi në festën më të madhe të DEMOKRACISË në botë. Ky ishte betimi i Presidentit të 45-të të SHBA, Donald Trump, në ceremoninë solemne të marrjes së detyrës, e cila u zhvillua në sheshin ndërmjet Shtëpisë së Bardhë dhe Kongresit në Uashingtoni D.C. Ceremonia e betimit të presidentit të 45, është një nga eventet më të rëndësishme dhe më të bujshme jo vetëm në SHBA por në të gjithë botën.Qindra mijëra njerëz nga e gjithë bota ndoqën betimin e Trump në ashington i cili hyri në Shtëpinë e Bardhës si Pasardhës i Barack Obamës”, shkruan deputeti Bushati.
