Donald Trump është Presidenti i 45-të i Shteteve të Bashkuara, pas betimit në një transferim historik të pushtetit.
Ora 18:55
“Washington Post”: Fjalimi i Trump kishte rreth 1.400 fjalë kundrejt rreth 2.400 i fjalimit të parë inaugurues të presidentit Obama. Fjalimi i dytë inaugurues i Obamës në vitin 2013 ishte rreth 2.100 fjalë.
18:38
Familja Obama largohet nga Shtëpia e Bardhë, i përcjellë nga Trump dhe gruaja e tij. Obama u largua me një helikopter.
18:28
Presidenti Trump largohet nga ceremomina e inagurimit duke shtrëngruar duart me të pranishmit.
18:00
Trump betohet si president dhe mban fjalimin historik ku premton se tani qeverisja e SHBA i është kthyer amerikanëve.
17:52
Mike Pence betohet si zv/presidenti i SHBA-ve.
17:45
Në ceremoninë e inagurimit të Trump-it po marrin pjesë personalitete nga e gjithë bota, përfshirë edhe nga Shqipëria.
17:37
Presidenti Trump përshëndet të pranishmit në ceremoninë e tij të inagurimit.
17:30
Nis ceremonia e inagurimit të Donald Trump.
17:19
Turma personash “anti Trump” vijojnë të protestojnë në Washington, duke dëmtuar edhe disa automjete në zonë.
17:03
Presidenti në ikje Obama dhe ai i zgjedhur Trump kanë mbërritur në Capitol Hill, për ceremoninë e inagurimit të Trump.
16:39
Presidenti Barack Obama ka lënë një letër për pasuesin e tij në Zyrën Ovale para nisjes së ceremonisë së inagurimit të Trump në Shtëpinë e Bardhë. Kjo është traditë që ndiqet nga një president tek tjetri. Ende nuk ka detaje për përmbajtjen e letrës.
Ora 16:30
Obama po përgatitet që të largohet nga Shtëpia e Bardhë. Ai është fotografuar duke i dhuruar gruas së tij puthjen e fundit si president.
Ora 15:50
Donald Trump së shpejti do të bëjë betimin si Presidenti i 45-të i Shteteve të Bashkuara, gjatë një transferim historik të pushtetit.
Republikani 70-vjeçar ka mbërritur në Shtëpinë e Bardhë, ku u prit nga Presidenti Barak Obama dhe Zonja e Parë Michelle Obama.
Presidenti i zgjedhur Donald Trump dhe bashkëshortja e tij janë takuar me presidentin në ikje Barack Obama dhe gruan e tij në Shtëpinë e Bardhë.
Tradita e inagurimit të Presidentit:
Presidentët e ardhshëm zgjidhen në muajin nëntor të një viti më parë për të marrë më pas detyrën më 4 mars, por në vitin 1933, kushtetuta e Shteteve të Bashkuara të Amerikës u amendua për të specifikuar që kushtet e presidentit dhe zëvendëspresidentit të përfundonin në mesditën e 20 janarit, pas vitit zgjedhor.
https://www.youtube.com/watch?v=y60wDzZt8yg
Amendamenti u propozua në mars të vitit 1932 dhe procesi i ratifikimit u krye më 23 janar të vitit 1933.
Edhe nëse një president dhe zëvendëspresidenti i ri amerikan janë zgjedhur ose një president rizgjidhet, ai ose ajo solemnisht duhet të përsërisë betimin të lexuar nga Gjykata Supreme përballë Capitolit, në Uashington.
Mandati i presidentit është katër vjet, që filloi me presidentin e parë amerikan, George Washington, në Nju Jork më 30 prill të vitit 1789 dhe është përcaktuar në Kushtetutë.
Pasi betohet presidenti mban një fjalim në të cilën ai skicon qëllimet e tij më të rëndësishme.
Ceremonia zhvillohet jashtë, në mjedis të hapur, pavarësisht motit.
Ceremonia pasohet nga një paradë përgjatë bulevardit “Pennsylvania” në Shtëpinë e Bardhë, një distancë prej rreth dy kilometrash. Festimet përfshijnë gjithashtu edhe argëtime tjera, ceremoni dhe ballo.
