E gjithë zona e Freskut në Tiranë u alarmua nga zjarri që ra në ashensorin e një pallati 100 metra afër repartit RENEA. Bilanci i këtij zjarri fatal ishte një viktimë.
Mësohet se e reja është Drilona Durici, trupi i të cilës eshte karbonizuar nga flaket. 29-vjeçarja ka qene duke hyre për ne banese kur ra zjarri, pasi kishte bere pazar dhe ne dore kishte çantat me ushqime. Mesohet se gruaja ishte e martuar dhe me nje femije, teksa bashkeshortin e kishte ne Gjermani. Gjithashtu banore te tjere rrezikoheshin nga tymi dhe asfiksia. Ne foton e publikuar nga “Panorama”, mund te shikoni se cfare ka mbetur nga ashensori, vendi ku humbi jeten tragjikisht e reja kete te premte.
Mendohet që një shkarkesë elektrike shkaktoi zjarr, i cili u ndihmua nga vajrat lubrifikante të ashensorit, që i ndezën flakët menjëherë, pa i dhënë mundësi viktimës të përpiqej të dilte prej andej. Ashensori kishte një depozitë të madhe vaji, i cili ra menjëherë në kontakt me zjarrin. Tymrat e shumtë të dalë nga ky zjarr bllokuan pothuaj të gjitha shkallët e pallatit 8-katësh, që vuri në panik të gjithë banorët që ndodheshin në apartamente, shkruan “tch”.
