Autoritetet italiane kanë goditur një bandë shqiptarësh të trafikut të kokainës me të ardhura miliona euro.
Plot 36 persona kanë përfunduar në prangat e policisë në Perugia, në një super operacion të zhvilluar nga skuadra lëvizëse e Perugias, e drejtuar nga Marco Chiacchiera, mbrëmjen e djeshme.
Sipas mediave italiane, banda e shqiptarëve kishte një xhiro të madhe kokaine, aq sa janë sekuestruar kilogramë të tëra dhe miliona euro.
Gjithçka mësohet se nisi pas zbulimit të një sasie kokaine të fshehur në një kuti këpucësh për fëmijë që vinte nga Amerika Latine.
Pas kësaj, autoritetet fqinje nisën hetimet që çuan në zbulimin e një rrjeti të strukturuar kriminal të shpërndarjes së kokainës. Mediat italiane shkruajnë se droga dhe paratë, fshiheshin nëntokë.
