Ambasada amerikane në Tiranë ka shpërndarë disa karikatura në faqen e saj në Facebook, ku përmes humorit shpjegon edhe rregullat se si të përfitoni një vizë për SHBA.
Gjithçka që duhet të keni për të marrë vizën, thotë ambasada, është thjesht pasaporta tuaj dhe fleta e konfirmimit e njohus si DS-160.
“Kam një këshillë me vlerë për ju këtë javë, siç do ta shikoni tek tregimi i mëposhtëm: unë nuk kam nevojë të shikoj dokumentet tuaja në intervistën për vizë turistike! Gjithçka më duhet nga ju është pasaporta juaj dhe fleta e konfirmimit të DS-160. . . dhe kaq!” Mos harxhoni kohë dhe para për të grumbulluar dokumente të cilat nuk do t’jua kërkoj. Përkundrazi, përdoreni atë kohë dhe paratë për të qerasur veten tuaj me një makiato dhe picë! 🙂”, mbyllet postimi Ambasadës Amerikane në Tiranë, shoqëruar me karikaturat e mëposhtme.
