Lideri nacionalist serb, Vojisllav Sheshel tha sot se presidenti i Serbisë, Tomislav Nikoliç ka kërkuar gjakderdhje në Kosovë, kur nisi trenin që mbante mbishkrimin “Kosova është Serbi”.
Sipas Sheshel, Nikoliçi është i vetëdijshëm për faktin se nuk ka më çfarë të presë në jetën politike të Serbisë. E me krijimin e kësaj situate ka dashur që njerëzit ta shohin si udhëheqës dhe shpëtimtar.
“Nikoliç ka qenë i gatshëm që të nxisë gjakderdhje duke provokuar me trenin e udhëtarëve të vizatuar me parulla që sigurisht do t’i irritonin shqiptarët, do të nxiste zemërimin dhe terrorin e tyre, por në këtë rast edhe bandën e tyre të armatosur të formuar me mbështetjen e NATO-s”, ka thënë Sheshel.
Por sipas tij, për fat të mirë, skenari i Nikoliçit nuk u pati sukses.
