Partia Demokratike akuzoi sot kryetarin e bashkisë Erion Veliaj se kishte udhëtuar me çarter në Paris, me 70 mijë eurot që ia pagoi një biznesmen.
Pas kësaj ka reaguar Bashkia e Tiranës duke i cilësuar shpifjet e radhës së PD -së.
Në një deklaratë për mediat, ajo sqaron se “Veliaj ka udhëtuar për në Itali me një kompani fluturimi “loë cost” për të vizituar deputetin e PS¬së, Bashkim Fino, i cili po kurohet prej disa ditësh në shtetin fqinj”.
Si dëshmi të kësaj, Bashkia ka publikuar edhe biletën e udhëtimit të krye tarit të Bashkisë së Tiranës, i cili u kthye mbrëmë e sot ishte i pranishëm gjatë inspektimit te Parku i Madh i Liqenit. Bashkia e Tiranës hedh poshtë shpifjet e fundit të Partisë Demokratike, lidhur me një gjoja udhëtim që Kryetari i Bashkisë paska bërë dy ditë më parë në Paris.
Kjo është një sajesë e ulët që vetëm zyra e SHQUP¬it mund ta fabrikojë dhe sigurisht, si çdo gënjeshtër tjetër e tyre hidhet poshtë lehtë. Kryetari i Bashkisë së Tiranës, pasi ka inspektuar dje rreth orës 10.00 të paradites punimet që po kryhen për rikonstruksionin e Kopshtit 17, ka udhëtuar për në Itali me një kompani fluturimi “loë cost” për të vizituar deputetin e PS¬së, Bashkim Fino, i cili po kurohet prej disa ditësh në shtetin fqinj.
Mbrëmjen e djeshme z. Veliaj është kthyer sërish në Tiranë, për të vijuar sot në mëngjes me inspektimin te Parku i Madh i Liqenit, ku edhe deklaroi se i shtohen 25 hektarë hapësirë publike e gjelbërim, si dhe një takim me Ambasadoren e Islandës në Tiranë, Estrid Brekkan. Për ta faktuar këtë po publikojmë edhe biletën e udhëtimit të kryetarit të Bashkisë së Tiranës.
