Bëhet fjalë për emisione të realizuara në vitin 1986.
YugoPapir, një gazetë online e cila merret me gazetat e vjetra, incizimet e vjetra nga Ballkani, ka sjellë sot një pjesë nga një seri emisionesh realizuar në Televizionin e Novi Sadit.
Bëhet fjalë për emisione të realizuara në vitin 1986, ose më mirë dokumentarin “Marrëdhëniet Jugosllavi – Shqipëri. Aty thuhet se Tito dhe Enver Hoxha kanë pasur edhe takime në katër sy.
Josip Derda ka qenë përkthyes i tyre, i cili më pas thotë për gazetarin në fjalë se Enver Hoxha ia ka premtuar Kosovën Josip Broz Titos. Xhirimi i dokumentarëve ka marrë rreth tre vite, pesë episode të tilla realizuar nga gazetari Mile Isakov. Pjesë e dokumentarëve, sipas Yugopapir, ishin edhe Elhami Nimani, Fadil Hoxha, Mehmet Hoxha, Pavle Jovicevic e personazhe tjera, shkruan KultPlus
Gazetari thotë se ka provuar të ketë materiale më shumë nga viti 1939 deri në vitin 1949 kur marrëdhëniet mes Shqipërisë dhe Jugosllavisë ishin të mira, por kjo ka qenë shpesh e pamundur. Ai sot thotë se duke kujtuar të kaluarën mund të mbijetojmë në Ballkan.
