Ish-kryebashkiaku i Vlorës, Shpëtim Gjika, rikthehet në Partinë Socialiste. Ka qenë vetë Gjika që ka bërë me dije lajmin, përmes një statusi në Facebook.
“Duke filluar nga sot, jam me status të ri! Faleminderit të gjithë atyre që kanë besuar tek unë, dhe më kanë përkrahur e mbështetur në ditë të vështira!”, shkruan Gjika.
Marrëdhëniet e Gjikës me kryeministrin Rama duket se u prishën që në shkurt të vitit 2015, ku disa muaj para se të përfundonte mandatin e kryebashkiakut, Gjika u arrestua për shpërdorim detyre me lejet e ndërtimit.
Asokohe Rama tha se Gjikën e kishte mik, por nuk mund ta amnistonte.
Andaj Gjika nuk u kandidua më për shkak të këtij procesi.
