Sulmuesi i ISIS-it, Abdulkadir Masharipov, i cili vrau 39 persona dhe plagosi 65 të tjerë në lokalin e natës “Reina” në Stamboll, natën e Vitit të Ri, ka rrëfyer se nga kush i kishte marrë urdhrat për ta kryer sulmin në Turqi.
Masharipov, 34-vjeçar, militant i ISIS-it u arrestua më 16 janar nga policia turke pas plot dy javëve në arrati, transmeton Express.
Ai ka treguar se si kishte shkuar fillimisht në Stamboll për ta kryer një sulm në sheshin “Taksim”, por në fund e kishte zgjedhur lokalin e natës “Reina” për ta sulmuar pasi që në shesh masat e sigurisë ishin të rrepta.
“Mbërrita në Turqi përmes Iranit pasi që i mora urdhrat për të marrë pjesë në luftë në Siri janarin e vitit të kaluar. U vendosa në Konya. Derisa qëndroja atje, mora urdhra nga Raqqa. Mora urdhëra për ta kryer një sulm Natën e Vitit të ri në sheshin ‘Taksim,’” ka thënë ai.
Më pas ai është rrëfyer për momentet kur policia turke ishte futur në banesën ku po qëndronte ai.
“Mos më vrisni,” Masharipov u kishte thënë policëve turk gjatë bastisjes, teksa ishte fshehur nën shtrat.
