Basha uron presidentin e PE: Së bashku do të integrojmë Shqipërinë në BE

Kryeopozitari Lulzim Basha përmes një postimi në rrjetin social Facebook ka uruar presidentin e ri të Parlamentit Europian, Antonio Tajanin.

Basha shprehet se “jam i lumtur për zgjedhjen e tij në krye të Parlamentit Europian që do të më japë mundësinë të punojmë së bashku për të çuar përpara integrimin e Shqipërisë në BE”.

Ja mesazhi i Bashës:

Sot i përcolla urimet e mia Antonio Tajanit, Presidentit të sapozgjedhur të Parlamentit Europian. Z. Tajani është jo vetëm nenkryetar i Partisë Popullore Europiane ku bën pjesë Partia Demokratike, por edhe një mik i jashtëzakonshëm.

Si Zëvendës President i Komisionit Europian dhe Komisioner i BE­së ai ka mbështetur përherë përpjekjet e Shqipërisë për zhvillim ekonomik.

Jam i lumtur për zgjedhjen e tij në krye të Parlamentit Europian që do të më japë mundësinë të punojmë së bashku për të çuar përpara integrimin e Shqipërisë në BE.