Sulmet terroriste nëpër botë mesa duket i kanë stepur disi qytetarët që të programojnë pushimet e verës si zakonisht që në muajin janar.
Andaj pushuesit duan të dinë se cilët janë vendet e sigurta.
“Express.co.uk” ka investiguar paralajmërinin e fundit të Foreign and Commonwealth Office për të zbuluar vendet e sigurta për kët verë, dhe mes tyre renditet edhe Shqipëria.
Sipas studimit të fundit tendenca e njerëzve është për pushime në juglindje të Azisë apo dhe në Karaibe. Por ka ende disa zona të Europës që nuk janë në kërcënimin e terrorizmit.
Raportohet se në vendet më të kërcënuara nga terrorizmi në Europë renditen Belgjika, Franca, Gjermania, Rusia, Turqia dhe Mbretëria e Bashkuar.
Kurse në grupin e dyte me një kërcënim të përgjithshëm të terrorizmit, me një nivel të vogël të aktivitetit terrorist renditen vende si Spanja, Austria, Qipro, Danimarka, Greqia, Italia, Maqedonia, Hollanda, Suedia, Ukraina, etj.
Vendi ynë renditet në grupin e tretë, me nivelin shumë të ulët të aktivitetit terrorist. Bashkë me të renditen Bullgaria, Kroacia, Irlanda, Luksemburgu, Monako Mali i Zi, Rumania, Serbia, etj.
