Gazetarët janë “përplasur” me policinë në lidhje me shifrat e të vrarëve në vitin që lamë pas, 2016. Përplasja ka ndodhur gjatë emisionit “Debati në Channel One” të gazetarit Roland Qafoku.
Specialisti i Drejtorisë së Krimeve në Policinë e Shtetit, Agron Hysaj, bëri publikë se gjatë vitit 2016 kishin ndodhur 71 ngjarje me 82 viktima, gazetari i kronikës së zezë, Flamur Vezaj, e hodhi poshtë këtë duke deklaruar se sipas tij kanë ndodhur 81 ngjarje me 92 viktima.
Për specialistin Hysaj shifrat e tij ishin zyrtare dhe të pakontestueshme, gazetari Vezajt publikoi të gjitha komunikatat zyrtare mujore të Policisë së Shtetit, shuma e të cilave në fund rezulton edhe shifra e viktimave të dhënë prej tij.
NGJARJET E VITIT 2016, MUAJ DHE VIKTIMA:
Janar, 12 ngjarje, 14 viktima.
Shkurt, 8 ngjarje, 10 viktima.
Mars, 6 ngjarje, 6 viktima.
Prill, 6 ngjarje, 6 viktima.
Maj, 2 ngjarje, 2 viktima.
Qershor, 3 ngjarje, 3 viktima.
Korrik, 8 ngjarje, 12 viktima.
Gusht, 7 ngjarje, 8 viktima.
Shtator, 8 ngjarje, 8 viktima.
Tetor, 8 ngjarje, 9 viktima.
Nëntor, 7 ngjarje, 7 viktima.
Dhjetor, 6 ngjarje, 8 viktima.
Gjithsej, 81 ngjarje, 92 viktima
