Ish-gjenerali i ushtrisë serbe, Stevan Durovic ka zbuluar se ushtria serbe ka pasur spiunë shqiptarë të përfshirë në UÇK, të cilat sipas tij ishin lehtë të gjendeshin ngaqë shqiptarët shiteshin për disa qindra marka.
Durovic, tha “Kishim spiunë në UÇK dhe e dinimin çdo lëvizje të Adem Jasharit” . “E dinim se ku dhe me kë shkonte, kë takonte si dhe prej kujt financohej”, ka thënë ai.
Ai ka shtuar se ushtria serbe ka mundur ta vrasë Adem Jasharin, kur të donte vetë. Kjo për arsye se në UÇK ata kishin tre spiunë, të cilët kanë punuar kundër Ushtrisë Çlirimtare të Kosovës, dhe sipas tij ata ishin të afërm të Jasharit.
Stevan Durovic tha se më shumë i ka ndihmuar një ish-ministër i Kosovës, i cili ka pranuar të punojë si spiun për ushtrinë serbe. Nga ai kanë marrë informacionet për gjithçka në lidhje me Adem Jasharin. Deklaratat e tij nuk janë të dokumentuara dhe mund të kenë edhe një qëllim për përçarje në këtë kohë aspak të favorshme për Kosovën./gazetametro/
