Dy shqiptarë në Britani të Madhe kanë dalë para një gjykate angleze dhe po përballen me akuzat e kultivimit të lëndëve narkotike.
Muj Toskaj 24 vjeç dhe Blerim Mustavataj 29 vjeç u gjetën në brendësi të një fabrike droge ku ishin kultivuar 189 bimë kanabis sativa. Të dy janë emigrantë të paligjshëm në Britani.
Dy shqiptarët u arrestuan të dielën gjatë një operacioni nga policia britanike, pas informacioneve se në bodrumin e një ndërtese në Gloucester ndodhej një fabrikë për përpunimin e kanabisit e cila ishte pajisur me aspirim dhe llamba të nevojshme për rritjen e kanabisit.
Policia sekuestroi në cilësinë e provës materiale 189 bimë kanabis si dhe disa pajisje që shërbenin për paketimin e lëndës narkotike. Sipas mediave britanike droga e sekuestruar kap vlerën nga 52920 deri në 159.760 paund. Dy shqiptaret pritet të dalin para gjykatës në datë 10 shkurt.
