William Walker, ish-ambasadori i OSBE-së në Kosovë, duke folur në emisionin “Personale” të RTV Dukagjinit ka thënë se shqiptarët kanë shumë arsye të brengosen me fitoren e Donald Trump, pasi siç u shpreh ai Amerika nuk do të jetë e njëjta.
“Keni shumë arsye për t`u brengosur. Unë jam i brengosur. Shumë qytetarë në SHBA janë të brengosur. Për shkak të fushatës, për shkak të shumë arsyeve. Nuk e njoh z. Trump dhe nuk i njoh njerëzit rreth tij. E njohim si biznesmen por ka pikëpyetje se sa ka qenë i mirë si biznesmenë. Unë mendoj se ky zotëria këtu, presidenti Obama do të shkoj në histori si një president i jashtëzakonshëm”, tha ai.
https://www.youtube.com/watch?v=SiLmbbTtZyQ
Ai shton se Obama mendon thellë para se të flasë, kurse presidenti Trump të krijon përshtypjen se flet para se të mendojë.
“Madje janë shqetësuese disa lidhje që ai mendohet se i ka dhe si kosovarë do të brengosesha… E kemi Rusinë që është e gatshme për aventura si në Krime apo Siri. Shpresoj që lidhja ruso-serbe të mos ketë ndonjë ndikim në administratën Trump”, tha ish-ambasadori.
