Në emër të PD-së në dhe emrin tim dua të dënoj pa asnjë ekuivok, sjelljen dhe tonet destabilizuese të Serbisë.
Përtej sezonit elektoral që sapo është hapur në Serbi, sjellja dhe gjuha e Beogradit sjellin në vëmendje aktet destabilizuese për paqen në rajon dhe regjimet e tejkaluara të Slobodan Milosheviçit.” Kjo ishte deklarata që bëri kryetari i Partisë Demokratike Lulzim Basha duke dënuar me ashpërsi sot, sjelljen destabilizuese të Serbisë jo vetëm ndaj Kosovësm, por ndaj gjithë rajonit.
Në një deklaratë të posaçme para medias, ai shprehu mëbshtetjen e plotë të Partisë Demokratike Shqiptare për qëndrimin e vendosur që ka mbajtur qeveria dhe populli i Kosovës ndaj incidentit që cenonte integritetin e Kosovës dhe stabilitetin në rajon.
Njëhërësh,Basha i ka bërë thirrje Kryeministrit të vendit, Edi Ramës, se kjo situatë kërkon që Shqipëria të bëjë më shumë për të parandaluar përshkallëzimin e situatës, një qëndrim të përbashkët nga të gjitha palët për të cilin PD-ja është gati të kontribuojë dhe jo deklarata të veçuara nga Kryeministri ose ca më keq, reagime në Facebook.
