Tashmë është vërtetuar edhe shkencërisht se truri i grave shtatzëna pëson ndryshime – dhe zgjat më gjatë sesa kemi menduar.
Studimi në fjalë tregon se shtatzënia i ndryshon rajonet e trurit për më shumë se dy vite pasi ta keni lindur fëmijën.
Por, këto ndryshime janë gjithashtu të mahnitshme sepse ndihmojnë në aftësinë e nënës për t’u lidhur emocionalisht me beben dhe për t’i kushtuar vëmendje të plotë të porsalindurit, transmeton Telegrafi.
Këto ndryshime të trurit përfshijnë ndryshimin e madhësisë dhe strukturës së zonave të caktuara të trurit, të cilat i procedojnë informacionet shoqërore, siç janë ndjenjat, qëllimet, mendimet, besimet etj.
Ky studim ka mundësuar që shkencëtarët të dinë nëse një grua ka qenë më parë shtatzënë vetëm duke i parë trurin përmes skanimit të trurit.
