E hëna shënoi rinisjen e procesit mësimor në vend, por jo në të gjitha shkollat kushtet favorizuan zhvillimin e mësimit.
Në disa shkolla të Korçës mësimi u ndërpre sërish, për shkak të të ftohtit dhe mungesës së ngrohjes.
Mësimi nuk u zhvillua në shkollat 9 -vjeçare “Sotir Gurra” dhe “Naim Frashëri”, kurse në disa shkolla të tjera mësimi është zhvilluar me orë të shkurtuara.
Qeveria vendosi ta ndërpresë mësimin për dy javë, si pasojë e epidemisë së gripit.
Por opozita tha se institucionet arsimore në vend u mbyllën për shkak të mungesës së ngrohjes nëpër çerdhe, kopshte dhe shkolla.
