Banorët e Elbasanit u shqetësuan ditën e djeshme pas disa lëkundjesh të njëpasnjëshme të tokës, ndërsa sot Zyra e Emergjencave Civile në Prefekturën e Elbasanit sqaron për “BalkanWeb” të vërtetën e lëkundjeve misterioze të tokës gjatë gjithë ditës së premte, që vunë në panik gjithë qytetin.
Ndërsa banorët kërkuan dje shpjegime se çfarë po ndodhte, nga Instituti i Sizmologjisë nuk kishte asnjë të dhënë për lëkundje sizmike, por sot shefi i zyrës EC, Mustafa Arapi tha për“BalkanWeb” se bëhet fjalë për disa tërmete.
“Gjatë 24 orëve të fundit në Elbasan janë rregjistruar 7 lëkundje të lehta të tokës. Lëkundja më e fortë ka qenë 3,6 ballë në Jug të Elbasanit në zonën midis Mjekësit dhe Kuqanit. Nuk ka dëme materiale. Nga lëkundjet është krijuar panik pasi kanë qenë të shpeshta”,- sqaroi ai.
