Në orët e para të mëngjesit të sotëm u plagos me armë zjarri menaxheri i një prej lokaleve të natës të njohur në zonën e ish –bllokut.
Plagosja e tij ka pas një histori hakmarrjeje. Nga hetimet e para rezulton se plagosja e Artur Aligjonin, pronar i lokalit ‘Arena’ mëngjesin e sotmë dyshohet të jetë një mesazh, pasi ai pak muaj më parë ka plagosur me thikë një djalë nga Kamza.
“Balkanweb” shkruan se 45¬vjeçari i plagosur mëngjesin e sotëm, ishte në akuzë për plagosjen e Halim Hysës, ndërsa në prokurori vepra penale u klasifikua plagosje e lehte dhe çështja u mbyll. Fill pas ngjarjes së sotme, në polici janë shoqëruar si të dyshuar Halim Hysa dhe i vëllai i tij. Sherri me thika, si nisi dhe plagosja e Hysës 31-vjeçari Halim Hysa mbeti i plagosur pas një sherri me thika në 27 shtator të vitit të kaluar, ndërsa autor i ngjarjes dyshohet të jetë 45¬ vjeçari Artur Aligjonin.
Ngjarja ndodhi rreth orës 00:30 të datën 27 shtator afër zonës së Bllokut në Tiranë. Atëherë policia njoftoi se Hysa ishte i shoqëruar me një të njohurin e tij në momentin që është qëlluar me thikë në brinjë nga 45¬vjeçari. Një plagosje me armë zjarri ka ndodhur në orët e para të mëngjesit të sotëm në ish¬Bllok, në kryeqytet.
Policia njofton se rreth orës 04:35, në rrugën Ismail Qemali, në zonën e ish bllokut, është plagosur me armë zjarri, në pjesën e kofshës, shtetasi A. A., 45 vjeç. Sipas policisë, ai ndodhet jashtë rrezikut për jetën. Ndërkohë që “News24”, raporton se i plagosuri është shtetasi Artur Aligjoni dhe punonte si menaxher i një lokali nate në zonën e ish¬bllokut. Grupi hetimor po punon për identifikimin e autorëve të kësaj vepre kriminale. Nga hetimet rezulton se i plagosuri nga ky atentat është person i dyshuar për një vepër kriminale. Burime për “Panorama” bëjnë me dije se ai në shtator të vitit 2016 ka qenë i dyshuar për plagosje me thikë të një shtetasi.
