Pas deklaratave të djeshme të ministrit të Drejtësisë, Ylli Mjanjani tha se më në fund është diskutuar në një mbledhje me Ramën për fenomenin e kanabisit. E se ky është një problem shumë serioz dhe duhet ndërhyrje e ushtrisë, vjen përgjigjia nga ministri i Brendshëm, Saimir Tahiri.
I pyetur nga gazëtarët mbi deklaratat e Manjanit, Tahiri u shpreh: “Nuk jam komentator, jam ministër dhe kam detyrimin të bëj punën time më mirë për një Shqipëri më të drejtë, më të sigurtë dhe më të zhvilluar. Nuk kam dëshirë të komentoj komentet, aq më pak kur komentet janë nga një koleg tjetër i imi, i cili po si unë ka detyrën të bëjë sa më mirë detyrën. Punën tonë e vlerëson Kryeministri dhe mbi të gjitha e vlerëson dhe e gjykon publiku dhe qytetarët të cilët me plot të drejtë presin sa më pak fjalë dhe sa më shumë punë”, tha Tahiri.
Por nuk ngurroi të theksonte se ajo “që kemi bërë në luftën kundër drogës bashkë me partnerët është prioritet maksimal i yni dhe Shqipëria do vazhdojë të bëjë akoma më shumë për një Shqipëri të denjë për shqiptarët. Siç po bëjmë më shumë për partnerët në luftën”.
