Armand Shkullaku mësohet se është shkarkuar nga televizioni “ABC News”. Gazetari Shkullaku mbante postin e drejtorit të informacionit në këtë media.
Në një intervistë për “Mapon”, Shkullaku thotë se vendimi është marrë nga pronari i medias, Aleksandër Frangaj.
“Vendimi për të lënë AbcNews nuk ishte një zgjedhje e imja. Pronari i grupit mediatik për të cilin unë punoj, gjykoi se në këtë periudhë televizionit i duhet një qasje e re, menaxhariale dhe editoriale, dhe kështu kontrata ime 4vjeçare me AbcNews quhet e përfunduar këtu”,tha ai.
Teksa shton se Frangaj i ka bërë disa propozime brenda grupit mediatik “Klan”, të cilat Shkullaku shprehet se është duke i konsideruar përpara nënshkrimit të një kontrate të re.
