Përmes një shënimi në rrjetet sociale, Ylli Dylgjeri ka kërcënuar pronarët e një portali online, i cili përflitet se është në pronësi të deputetit socialist, Erjon Braçe.
Paçka Braçe ka mohuar zotërimin e këtij portali, Dylgjeri pretendon se është i deputetit. Teksa e kërcënon hapur kur thotë: “Po e zgjate sërisht, do të “të pjek”…se siç thonë mjekët, mishi i iriqit kuron reumatizmën”.
Ja postimi i plotë i Ylli Dylgjerit në rrjetin social:
Rreth skandalit te iriqit te “Skandalit”
Një portal i vockël sa një iriq, me emrin e madh Skandal ka tentuar të më “fusë” një gjemb lidhur me një shkrim timin për Av Ngjelen para ca ditësh. Iriqi me emrin “Skandal” me akuzon mua se si punonjës i administratës me taksat e publikut po kritikoj qeverinë apo po bëhem gaztor kundër qeverisë!!! Atëherë po të pyes.
O iriq!
Të pyes me gjuhen e butakëve. Ku e kam goditur qeverinë apo koalicioni Unë? A nuk është kryeministri Rama që deklaroi në Asamblenë e PS-së se LSI është aleati ynë strategjik? A nuk po sqaron kudo e përherë se kjo aleance duhet të jetojë dhe e vazhdojë ekzistencën edhe më tej? Atëherë kush po e godet këtë aleancë, Unë apo avokat Ngjela që çdo ditë, çdo orë, çdo javë kërkon burg kudo deri te kreu i LSI?
Përgjigju o iriq, ose shko futu në ferrë dhe rri aty ku e ke vendin. Kaq si fillim. Po e zgjate sërisht, do të “të pjek”…se siç thonë mjekët, mishi i iriqit kuron reumatizmën.
