Policia e Gjirokastrës ka arrestuar një 31-vjeçar pasi ka ushtruar dhunë psikologjike, fizike si dhe ka kërcënuar me thikë kunatën. Sipas policisë në pranga ka rënë Pandeli Nikën, 31 vjeç, banues në fshatin Tabor të Përmetit.
Ka qenë shtetasja me inicialet Dh.N, 38 vjeçe, banuese në Përmet, që ka bërë kallëzim se kunati i saj, Pandeli Nika ka ushtruar dhunë fizike dhe psikologjike ndaj saj, gjithashtu e ka kërcënuar me thikë. Por sipas saj nuk ka mjaftuar me kaq, pasi Nika e ka përplasur kunatën me automjetin tip “Benz”, me targa AA577MG, i cili është në pronësi të tij.
Sakaq, Automjeti u sekuestrua në cilësinë e provës materiale. Materialet në ngarkim të këtij shtetasi i kaluan Prokurorisë së Rrethit Gjyqësor Përmet për veprime të mëtejshme.
