53 –vjeçari Leonard Beqiri që humbi jetën dje në Sarandë si pasojë e të ftohtit, ishte i pastrehë dhe u gjet në një banesë të braktisur në gjendje të rëndë. Problemin e strehimit ai e kishte ngritur disa herë tek strukturat shtetërore.
Madje hallin e tij ia kishte qarë edhe kreut të opozitës, gjatë një takimi që Lulzim Basha zhvilloi në Sarandë.
Fotoja e mësipërme në të cilën fshaqet Beqiri me kryetarin e PD është bërë rreth një muaj më parë. Ai i ishte ankuar Bashës për kushtet e vështira dhe pamundësinë për të përballuar jetesën.
