Temperaturat nën zero që kanë shoqëruar vendin gjatë këtyre ditëve kanë ngrirë edhe sipërfaqe të mëdha të lumit Kir.
Për banorët e zonës kjo është një ngjarje e rrallë, pasi prej 32 vitesh nuk mbahet mend një fenomen i tillë.
Ngricat që kanë përfshirë vendin kanë sjellë edhe një fenomen të rrallë në Bashkinë Shkodër dhe disa prej njësive administrative të saj.
Temperaturat e ulëta kanë ngrirë një pjesë të madhe të sipërfaqes së lumit Kir, shkruan “Shekulli”.
Nga ajo që mbajnë mend banorët e zonës, një situatë e tillë ka ndodhur vetëm gjatë viteve ’60 dhe në dimrin e vitit 1985.
Sipas asaj që thonë banorët, sipërfaqja më e madhe e ngrirë deri tani është në afërsi të Urës së Mesit në njësinë administrative Postribë, ndërsa segmentet me ngrica të pjesshme janë të pranishme deri në qytetin e Shkodrës.
