NJë ish-ministër socialist në qeverinë e Fatos Nanos ka ndërhyrë pas debatit dhe arrogancës së treguar nga kryeministrin Edi Rama me një ndjekës të tij në facebook mbi taksat. Ndërsa qytetari po i shprehte shqetësimin kryeministrit për mungesën e ngrohjes në shkolla, Rama iu përgjigj duke e pyetur se çfarë taksash paguante ai.
Ish–ministri Marko Bello ka marrë përsipër t’i tregojë Ramës se çfarë taksash paguajnë shqiptarët dhe sa shumë paguajnë, në krahasim me qytetarët e tjerë të Europës dhe në raport me pagat që marrin. Ai e ka bërë këtë me anë të një postimi në facebook.
“Me beri pershtypje nje reagim nervoz i kreut te Qeverise, teksa po dialogonte me ndjekesit e vet ne rrjetet sociale. Verejtjes se nje qytetari se perse mungon sistemi i ngrohjes ne shkolla e cerdhe, i pari i ekzekutivit iu pergjigj me nje kunderppyetje: Cfare taksash paguan ti?
Dhe vijme keshtu te nje teme qe politikanet tane e kane shume per zemer sa kohe jane ne opozite, por qe i ben te kercejne pupthi kur jane ne pushtet. Eshte fjala per taksat dhe tatimet qe shtetasit paguajne drejtpersedrejti apo terthorazi, por qe opozites i duken shume, ndersa shumices ne pushtet pak.
Ne fakt, sikur vetem te famshmes TVSH, apo tatimit mbi vleren e shtuar t’i referohemi dhe qe eshte 20% per te gjitha produktet qe tregetohen ne Shqiperi, do te mjaftonte ti kujtonim çdo pushtetari ne nivel qendror apo lokal se keto para vijne nga xhepat e te gjithe qytetareve.
Por ne vendin tone ka edhe shume taksa te tjera, sikurse ato qe lidhen me karburantin, rruget etj. qe rendojne goxha ne xhepat e taksapaguesve. Ne Tirane, edhe parkimi neper akset kryesore eshte 100 leke/ora, njelloj si ne vendet perendimore ku pagat jane disa here me te larta.
Shteti mbahet me taksa dhe pagimi i tyre eshte nje detyrim ligjor per cdo individ, por fatkeqesisht si ne shume raste, edhe ne kete fushe nuk respektohet thuajse fare fjala e urte popullore : “Gjella me krip, por kripa me karar”, shkruan Bello në Fcebook.
