76 persona të pastrehë janë ndihmuar në këto ditë të ftohta dimri, ku termometri shënon disa gradë nën zero, nga Policia e Shtetit.
Përmes një njoftimi për shtyp policia thotë se mes personave që u ka ardhur në ndihmë ka edhe gra e fëmijë.
Rreth 50 qytetare të pastrehë janë sistemuar në qendrat sociale.
Në Drejtoritë Vendore të Policisë në Qarqe, janë ndihmuar 26 shtetas, të cilët janë sistemuar në ambientet e Komisariateve të Policisë, ku trajtohen me ushqim e fjetje nga efektivat e këtyre Komisariateve.
Në Shkodër janë 4 shtetas, në Dibër 2 shtetas, në Durrës 6 shtetas, në Elbasan 6 shtetas, në Berat 2 shtetas, në Vlorë Sarandë e Delvinë 6 shtetas.
