Një super vullkan i madh në bregdetin e Italisë, në një gjerësi prej 12 km, po tregon shenja rizgjimi pas pothuajse 500 vitesh pasiviteti. Jo vetëm që ky vend është përgjegjës për zhdukjen e neandertalëve, por po ashtu u mori jetën 500 000 njerëzve që jetonin aty.
Dhe tani studiuesit thonë se vullkani po i afrohet një pike kritik që mund të çojë në një shpërthim, shkruan Bussiness Insider. Campi Flegrei apo-“fushat e djegura” në Itali është një fushë e gjerë vullkanike në perëndim të Napolit.
Që nga formimi, Campi Flegrei ka pasur vetëm dy shpërthime të mëdha-35 mijë vjet më parë dhe 12 mijë vjet më parë dhe një shpërthim të vogël që ka ndodhur në vitin 1538.
Kur themi shpërthim i vogël kemi parasysh një vlerësim relativ sepse shpërthimi i 1538 zgjati për 8 ditë dhe formoi malin e ri Monte Nuono.
Një ekip i udhëhequr nga vullkanologu Giovanni Chiodini nga Instituti italian kombëtar i Gjeofizikës në Romë, raporton se Campi Flegrei po i afrohet pikës kritike të presionit që mund të shkaktojë një shpërthim.
Kjo pikë kritike e presionit mund të çlirojë në atmosferë gazra super të nxehta, gurë dhe ndoshta një shpërthim.
