Si pasojë e temperaturave të ulëta dhe situatës gripale që ka prekur vendin mbi 400 persona në ditë, kryesisht mosha e mesme dhe pensionistët dynden në urgjencën e të rriturve në Spitalin Rajonal të Durrësit.
Përpos se stafi mjekësor është dyfishuar, situata paraqitet e vështirë për shkak se shtretërit e urgjencës qëndrojnë gjithmonë të zënë nga të sëmurët.
Të pyetur nga “Durrës Lajm” pacientët thonë se temperaturat e ulëta kanë ndikuar edhe më shumë në përkeqësimin e shëndetit, sidomos tek moshat e vjetra, ndërsa në urgjencë kanë gjetur ekip mjekësor të kualifikuar e mikpritës.
Mësohet se së bashku me urgjencën pediatrike numri i personave që i drejtohen mjekëve për ndihmë ka shkuar në 600 në ditë.
