Kreu i qeverisë, ka vendosur sot që një pjesë të ministrave të kabinetit qeveritar t’i mbledhë në një darkë pune në Durrës.
Mësohet se takimi është realizuar në kuadër të gjithë situatës së rëndë në vend, ku ministrat do të raportojnë për masat e mara. Së bashku me ministrat në takim janë edhe sekretarët organizativë që janë zgjedhur për çdo degë të partisë. Ndërkohë që tema tjetër e diskutimit është edhe ajo e nisjes për përgatitjet lidhur më zgjedhjet e ardhshme parlamentare, ku në tryezë të majtët kanë kalednarin organizativ në cdo qark.
Kryeministri u ka kërkuar koordinatorëve socialistë të mbajnë lidhje të ngushta me qytetarët, t’i dëgjojnë ata dhe t’u japin zgjidhje problemeve, duke mos anashkaluar reformat e ndërmarra nga qeveria.Bashkë me 12 koordinatorët e qarqeve, në takimin me kryeministrin Rama kanë marrë pjesë edhe sekretari i përgjithshëm Gramoz Ruçi dhe kryetari i Bashkisë së Tiranës, Erion Veliaj. Me ndarjen e re zgjedhore, Tiranës i është rritur edhe më shumë pesha elektorale, sepse prej qarkut më të madh në vend dalin 34 deputetë. Një mandat deputeti i është shtuar edhe Durrësit, i cili nga 13 do të ketë 14 mandate deputetësh.
