Lidhur me arrestimin e Ramush Haradinajt nga policia franceze, ka reaguar përmes një postimi në rrjetin social Facebook edhe Gjergj Bojaxhi, anëtar themelues i partisë “Sfida për Shqipërinë”.
Në deklaratën e tij, Bojaxhi kujton se z. Haradinaj është shpallur dy herë i pafajshëm në Gjykatën e Hagës.
“Z. Haradinaj është shpallur i pafajshëm në Gjykatën e Hagës. I pafajshëm edhe në apelin e Hagës. Kam bindjen që sistemi i drejtësisë franceze do të korrigjojë me shpejtësi gabimin e zbatimit të një urdhër arresti të skaduar në të gjitha kuptimet”, thotë Bojaxhi në deklaratën e tij. Ramush Haradinaj është ndaluar nga policia franceze ditën e mërkurë mbi bazën e një urdhër arresti të Serbisë, ku pretendohen dyshime për krime lufte gjatë luftës në Kosovë.
