26 vjeçari Ervin Bixhi, i cili shkaktoi aksidentin tragjik mbrëmjen e 4 Janarit në Laprakë ku humbi jetën Xhenis Trebeshina 28 vjeç, është lënë në masën e arrestit me burg.
Në seancën e sotme gjyqësore, është caktuar masa e arrestit me burg për drejtuesin e automjetit tip “Jeep” I akuzuar si shkaktar i aksidentit të rëndë.
Nga hetimet e kryera ka rezultuar se ai ka qenë i dehur në timon, çka ka bërë që jo vetëm të shkelë rregullat e shpejtësisë së lejuar, por edhe të futet në kryqëzim me semafor të kuq.
Për rezultat ai ka përplasur automjetin tjetër tip “Jeep” brenda të cilit ndodhej oficeri i policisë Gj.K 42 vjeç, banues në Tiranë I cili ndodhet në Spitalin e Traumës jashtë rrezikut për jetën.
