Gazetari, regjisori dhe producenti Artan Rama ka postuar në profilin e tij në Facebook një dokument të Bashkisë së Tiranës dërguar Agjencisë së Prokurorimit Publik dhe ku flitet për tenderin për rikonstruksionin pjesor të zyrave të aparatit të Bashkisë së kryeqytetit.
Sipas gazetarit, bëhet fjalë për vendosjen e një ashensori në godinën dykatëshe në pronësi të Bashkisë dhe që kushton plot 180 milionë lekë të vjetra.
Në njoftimin e Bashkisë së Tiranës thuhet se, tenderi zhvillohet më 23 janar.
Postimi i plotë i gazetarit:
“Një ashensor që kushton 180 milionë lekë për një godinë dykatëshe! (Një nga tenderat e fundit të Bashkisë së Tiranës, që në fakt justifikohet si rikonstruksion i ambienteve të brendshme të zyrave, si dhe krijimin e një strukture ndihmëse për njerëzit me nevoja të veçanta në bashki)
Por shërbimet për njerëzit me nevoja të veçanta mund të zbriten në katin përdhe duke e shmangur ashensorin, vetëm nëse ai do t’i shërbejë kryetarit”.
Dokumenti i Bashkisë së Tiranës:
