Pas akuzave të deputetit të PS, Pjerin Ndreu, se kompanitë e mirëmbajtjes së rrugëve nuk kanë hedhur as edhe një gram kripë në veri të vendit, ka reaguar zëdhënësi i kryetarit të Kuvendit. Emiljano Aleksi i quan spekullime lajme të tilla. Ai nuk e përmend me emër deputetin Nreu, por referimi është i qartë.
“Është bërë sport kombëtar vetëdenigrimi dhe spekullimi. Të akuzosh nga faqet e facebook-ut dhe mos të ndjekësh nga afër punën e bërë për të ardhur në ndihmë gjithë komunitetit, në limitet e kapaciteteve që disponohen, është dhe e turpshme dhe antikombëtare.Është shumë e lehtë të shash në grup, pa argument, pa fakt, thjesht për të shprehur pakënaqësinë e paevitueshme nga jeta.
Nuk do çuditem dhe kur të dëgjojë që po pastrohen rrugët dhe po hidhet kripë vetëm atje ku kalojnë simpatizantët e LSI-së. “Të drejtën për çdo ndjenjë njerëzore e kanë vetëm ata që punojnë, Sehirxhinjt akuzojnë”, shkruan zëdhënësi i Metës, duke postuar edhe disa foto të borëpastruesve.
