Ka ardhur koha ku robotët do të zëvendësojnë njerëzit edhe në punë të rëndësishme. Kështu, një kompani sigurimesh në Japoni ka vendosur të zëvendësojë 34 punonjës me robotë.
Bëhet fjalë për “Fukoku Mutual Life Insurance”, e cila bën të ditur se kështu do të kursejë plot 1 milionë paund dhe do të rrisë produktivitetin me 30% duke bërë këtë ndryshim.
Duke mbajtur këta robotë kompanisë japoneze do t’i kushtojë 100 mijë paund në vit. Ndërsa puna që do të bëjë sistemi robotik është që të mendojë si njeri, të lexojë mesazhet, të interpretojë mesazhet, audion, videon, ndërsa deri në fund të muajit mars pritet që të përfundojë i gjithë zëvendësimi.
