Reshjet e vazhdueshme të borës që kanë përfshirë thuajse të gjithë vendin, si dhe moti i ftohtë, kanë sjellë edhe problemet e para sa i përket furnimizimit me energji elektrike.
Kështu qyteti i Lezhës ka ndeshur problemet e para me energjinë elektrike, siç njofton OSHEE 9 fidra janë dëmtuar.
Kjo ka bërë që pjesa më e madhe e qytetit të mbetet pa energji elektrike. OSHEE thekson se ka nxjerrë punonjësit në terren për normalizimin e situatës por deri tani asgjë ska ndryshuar.
Edhe më herët, OSHEE ka njoftuar se në të gjithë vendin mund të ketë ndërprerje të energjisë elektrike si pasojë e motit te keq që ka pushtuar vendin.
