Pas disa orë kërkimesh intensive të një taksisti të zhdukur në Durrës është gjetur trupi i tij në brendësi të taksisë që kishte përfunduar në një kanal disa metra të thellë anës rrugës në komunën Gosë, mes Kavajës dhe Rrogozhinës.
Faik Fejzo, 53 vjeç, është nxjerrë i pajetë nga taksia e tij dhe nuk dihet nëse ka humbur jetën për shkak të aksidentit apo është një ngjarje kriminale, për ndonjë konflikt të mundshëm.
Fejzo që mbrëmë nuk ishte takuar as nga familjarët dhe as nga kolegët e tij të punës, të cilët bënë denoncimin në polici.
Policia ka marrë në pyetje kolegët e tij të tjerë në qytetin bregdetar për të mësuar më shumë rreth orëve të fundit të tij në punë.
Rreth një muaj më parë në Kavajë u vra me mjete mprehëse taksisti Idriz Karriqi nga 24-vjeçari Musa Saraçi, i cili ishte përdorues i lëndëve narkotike.
