Një sasi e konsiderueshme lënde narkotike është kapur nga autoritetet italiane në bashkëpunim me ato shqiptare në provincën e Leçes në Itali.
Në sajë të këtij operacioni mes Policisë së Shtetit dhe Policisë Italine, Guardia di Finanza (GdF) u sekuestruan 510 kg marijuanë dhe një person është vendosur në pranga.
Me gjithë motin shumë të keq dhe detin me dallgë deri në 7 ballë, trafikanti ka provuar të çajë “rrjetën” e policisë, por ka dështuar.
Në bordin e motoskafit të bllokuar, i cili është i gjatë rreth 5.5 metra, Guardia di Finanza sekuestroi rreth 510 kg marijuanë.
Autoritetet arrestuan shtetasin shqiptar A.M. 29 vjeç, që drejtonte mjetin lundrues.
Hetimet vijojnë për identifikimin dhe arrestimin e personave të tjerë të përfshirë në këtë trafik.
