Policia e Tiranës ka arrestuar në flagrancë një studente ditën e sotme, pasi akuzohet për vjedhje.
26-vjeçarja me inicialet L.Xh kishte vendosur që t’i kalonte në Tiranë festat e fundvitit, mesa duket me një qëllim të qartë.
Duke qenë se ajo qëndronte në konviktet e Fakultetit të Mjekësisë, dhe gjatë këtyre ditëve vajzat e tjera do të udhëtonin nëpër qytetet nga vinin, 26-vjeçarja shfrytëzoi rastin për t’i vjedhur ato.
Sipas burimeve policore, L.Xh është arrestuar në flagrancë nga oficerët e policisë së komisariatit numër 4 pranë konvikteve të ndodhura në “Rrugën e Dibrës”, pasi kishte vjedhur dhomat e shoqeve të saj.
Në cilësinë e provave materiale, policia ka mundur t’i sekuestrojë një sërë sendesh të vjedhura, mes tyre edhe rroba e veshmbathje.
