Një kasafortë me peshë 500 kg, në të cilën ndodheshin 180 diamante me një vlerë prej 250 mijë eurosh është vjedhur në Paris.Grabitesit kanë arritur të futen natën në argjendarinë e vogël, e specializuar në punimin e diamanteve.
Pasi kanë thyer derën dhe në mungesë të alarmeve apo kamerave, ata kanë marrë pa problem kasafortën, e cila nuk ka qenë e salduar në mur.
Një tjetër vjedhje është kryer edhe në një lokal të vogël ngjitur, ku ka kamera sigurie.
Pamjet e këtyre të fundit po verifikohen nga policia me shpresën se do t’i çojnë drejt zbulimit të hajdutëve.
