Një vajzë 26-vjeçare libaneze ka mbetur e vdekur nga sulmi terrorist mbrëmjen e ndërrimit të viteve në Stamboll, por statusi i publikuar në Facebook-un e saj përpara ngjarjes tragjike, të bën të mendosh se e reja e ka parashikuar se diçka e keqe do t’i ndodhte.
“Shpresoj të kalojmë bukur [në Turqi], skenari më i keq do të ishte të vdisja në ndonjë sulm dhe t’i bashkohesha mamit tim,”- kishte shkruar Rita Chami, mamaja e së cilës ka humbur jetën së fundmi pas një beteje me sëmundjen e kancerit.
Cham, që ndiqte studimet në Universitetin Amerikan të Shkencës dhe Teknologjisë në Liban, vdiq bashkë me të fejuarin e saj Elias Ëardini dhe 37 persona të tjerë në lokalin e natës Reina në Stamboll. Vrasësi që ende nuk është kapur nga policia, vrau fillimisht një polic dhe një civil në hyrje të lokalit, përpara se të qëllonte me një breshëri plumbash drejt 600 njerëzve që po festonin mbrëmjen e Vitit të Ri. Pjesa më e madhe e të vrarëve ishin turistë të huaj.
