Ashtu siç ishte parashikuar nga sinoptikanët në vend kanë nisur reshjet e dëborës. Veriu dhe verilindja e Shqipërisë po përballen me vështirësite e qarkullimit në rrugë.
Në rajonin e Pukës dhe të Kukësit trashësia e dëborës arrin deri në disa centimetra. Në rrugën e Kombit dhe në akset e tjera rrugore janë vënë në dispozicion borëpastrueset, ndërsa situata më problematike paraqitet në fshatrat e thellë malore.
Bashkia e Kukësit në një postim në FB thotë se “intensiteti i reshjeve te debores u shtua gjate oreve te mbremjes ndersa Shtabi i Emergjencave i Bashkise po qendron ne koherence me situaten. Mjetet borepastruese nisen menjehere nga puna per hedhjen e kripes ne rruget e qytetit ndersa Bashkia vuri ne gadishmeri edhe mjetet e saj per te nderhyre ne rast nevoje. Bashkia garanton te gjithe qytetaret e saj se do te beje gjithcka per te mbajtur situaten nen kontroll dhe rruget te qarkullueshme.”
Ndërkohë moti pritet të përkeqësohet, pasi duke nisur nga e premtja temperaturat do të vijojnë nga -4 gradë deri ne -11.
