Policia e Elbasanit ka njoftuar ditën e sotme se ka arrestuar dy persona dhe ka proceduar penalisht tre në gjendje të lirë.
Arrestimi i tyre ka ardhur pasi kanë kundërshtuar punonjësit e policisë.
Mësohet se në pranga janë vënë Adi Hoxholli, 24 vjeç banues në Elbasan pasi ka kundërshtuar me forcë punonjësit e Patrullës së Përgjithshme të Komisariatit të Policisë Elbasan.
Ndërsa të proceduar penalisht në gjendje të lirë janë A.T, 24 vjeç , E.T, 26 vjeç A.N, 28 vjeç, të tre banues në Elbasan, pasi në lagjen Haxhias pasi kanë kundërshtuar me forcë Patrullën e Përgjithshme, për ta penguar në kryerjen e detyrës sipas ligjit.
Nga ana tjetër, është prangosur edhe Albert Zeneli, 37 vjeç, banues në fshatin Dardhë Librazhd, i cili në gjendje të dehur në ambientet e Komisariatit të Policisë Librazhd ka kundërshtuar me forcë punonjësit e policisë së rendit publik.
