Ambasadori britanik në Kosovë, Ruairi O’Connell, nëpërmjet një video të publikuar në Facebook u ka uruar kosovarëve Vitin e Ri.
“Britania dëshiron ta shohë Kosovën të prosperuar dhe të sigurt. Unë besoj në fuqinë e popullit të Kosovës për të ndërtuar një të ardhme të ndritshme për Kosovën”, ka thënë ndër të tjera O’Connell.
Urimi i ambasadorit:
“Të dashur miq,
Meqë po i afrohemi fundit të vitit 2016, dëshiroj të ju uroj juve dhe familjeve tuaja lumturi dhe prosperitet në vitin 2017.
2016 ka qenë një vit i ndryshimeve të mëdha rreth botës. Por, disa gjëra nuk ndryshojnë. Britania dëshiron ta shohë Kosovën të prosperuar dhe të sigurt. Unë besoj në fuqinë e popullit të Kosovës për të ndërtuar një të ardhme të ndritshme për Kosovën. Ajo e ardhme varet nga ju. Në vitin 2017, ashtu si në të kaluarën, ne do të jemi këtu për të ju ndihmuar.
Gëzuar Viti i Ri!”, thuhet në urimin e O’Connell.
