Këshilltari i Komunës Poransio në Itali, një grua rumune dhe një infermiere shqiptare janë ndaluar nga Guardia Di Financa pasi akuzohen se kanë keqtrajtuar pacientët e një spitali psikiatrik. Riviera24.it shkruan se bëhet fjalë për 45-vjeçaren shqiptare Vjollca Ferati, rumunen Elena Stoica, 46 vjeç si dhe Massimo Deperi 48 vjeç.
Fill pas zbulimit të kësaj ngjarje të rëndë, reagoi kreu i komunës, Emilio Fossati, i cili pohoi se ndihet i shokuar. Ai deklaroi ka shkarkuar Deperin.
Të njëjtat burime bëjnë me dije se shqiptarja dhe dy të tjerët ofendonin të moshuarit e sëmurë, i linin ata në mëshirë të fatit duke mos i dhënë trajtimin e nevojshëm. Po ashtu, raportohet se nëse një pacient rrëzohej në tokë, askush nuk e ngrinte, apo kur i linin pa asnjë ndihmë kur u duhej të pastroheshin. Policia vijon hetimet rreth dokumentimit të plotë të kësaj ngjarje, ndërsa të akuzuarit ndodhen në ‘arrest shtëpie’.
